Në Gjykatën Penale sot duhet të mbahet seancë nga procedura e ndarë gjyqësore për ish-ministren e Punëve të Brendshme, Gordana Jankulloska për lëndën “Tank” të Prokurorisë Speciale Publike.
Jankulloskës i gjykohet në procedurë të ndarë sepse ka pasur shtatzëni të rrezikuar dhe ishte në pushim të lindjes.
Për rastin “Tank” ish-ndihmës ministri në MPB, Gjoko Popovski u dënua në gjashtë vjet e gjashtë muaj burg, ndërsa ish-kryeministri Nikolla Gruevski si nxitës për kryerjen e veprës është dënuar në dy vjet burg.
Rasti “Tank” ka të bëjë për furnizimin e “mercedesit” luksoz, në vlerë prej 600 mijë eurosh.
Sot vazhdon gjykimi edhe për lëndën “TNT” për prishjen e kompleksit banesor-afarist “Kosmos” të biznesmenit Fijat Canoski.
Midis të akuzuarve janë ish-kryeministri Nikolla Gruevski, ish-ministri i Transportit dhe Lidhjeve, Mile Janakievski dhe ish-kryetari i komunës së Gazi Babës, Toni Trajkovski.
Sipas aktakuzës së PSP-së, të akuzuarit në vitin 2011 kanë bërë vepër penale me motive të urrejtjes politike me prishjen e kompleksit “Kosmos” të Fijat Canoskit. (МИА)
