Grantet nga thirrja e Fondit për Inovacione dhe Zhvillim teknologjik kanë marrë dy apo tre kompani pronarët e të cilëve janë shqiptarë nga gjithsej dhjetë që kanë aplikuar, kumtoi zëvendëskryeministri Koço Angjushev duke u përgjigjur në pyetjen e deputetit Surija Rashidi në seancën ku deputeti ky pyetur pse është i vogël numri i tyre.
“Kjo nuk devijon nga numri apo përqindja sa kanë marrë edhe të gjithë të tjerët. Është dashur të aplikojnë më shumë dhe me siguri dhe do të merrnin më shumë. As nuk më ka rënë ndërmend as nuk ka për qëllim të mendoj në atë mënyrë – cila firmë është maqedonase, e cila është shqiptare…Në punën time ka vetëm në qasje – nëse di apo nuk di të punojë”, tha Angjushev.
Sqaroi se në thirrje janë paraqitur mbi 300 kompani prej të cilave grante kanë marrë 79 pas dy përzgjedhjeve dhe për përzgjedhjen nuk ka vendosur asnjë institucion, as Kabineti, as ministri.
Kumtoi se mjetet për grante nga programi IPA për konkurrencë në katër vitet e ardhshme do të jenë kryesisht për kompani të vogla dhe të mesme, ndërsa që të ketë zhvillim të barabartë rajonal ata do të jenë për tre zonat më pak të zhvilluara ekonomike – rajoni i Pollogut dhe rajoni verilindor dhe jugperëndimor. (MIA)
