Qeveria në procedurë kuvendore i lëshoi ndryshimet e Kodit Zgjedhor, ne të cilat propozon që Komisioni Shtetëror i Zgjedhjeve të zgjidhet me 61 deputetë, në vend që me shumicë prej dy të tretave.
Kryetari i Kuvendit Talat Xhaferi, propozim-ligjin me procedurë të shkurtuar me flamurin evropian e vendosi në rend dite të seancës së 53-të plenare.
Në Propozim-ligjin i cili është i kapshëm në faqen e internetit të Kuvendit të Maqedonisë theksohet se qëllimi i ndryshimeve është që të zgjidhet problemi që u paraqit me bllokimin e procesit të zgjedhjes së KSHZ-së.
Qeveria si propozues, në elaborimin thekson se shumica prej dy të tretave për zgjedhjen e anëtarëve të Komisonit Shtetëror të Zgjedhjeve sipas Kodit Zgjedhor, edhe krahas qëllimit të mirë gjatë krijimit të tij, nuk guxon të shndërrohet në kundërshtim të vet, duke mundësuar edhe opozitës parlamentare plotësisht ta bllokojë procesin e marrjes së vendimeve, më saktë zgjedhja e kryetarit, nënkryetarit dhe anëtarëve të Komisionit Shtetëror të Zgjedhjeve.
