Të punësuar në fabrikën për prodhim të pajisjeve ushtarake “Eurokompozit” nga Prilepi sot protestojnë para Qeverisë, duke kërkuar zbatimin e asaj për të cilën janë marr vesh për zgjidhjen e statusit të fabrikës dhe pagesën e pagave dhe kontributeve të mbetura.
Ata po vendosin tenda para ndërtesës qeveritare dhe siç paralajmëroi Robert Bogdanoski, kryetar i organizatës sindikaliste të “Eurokompozit”, nuk do të tërhiqen prej aty derisa t’u ofrohet zgjidhje përfundimtare për fabrikën nga e cila 260 të punësuar kërkojnë 18 paga dhe kontribute të mbetura nga viti 2012.
“Kërkesën për pranim në Qeveri e dërgojmë veçmë një javë, por ende nuk paralajmërim të tillë”, deklaroi Bogdanoski.
Gjatë ndërprerjes së grevës paraprake në fund të marsit, nga Sindikata paralajmëruan se kanë punë me marrëveshje për jashtë dhe për MPB-në dhe se me Qeverinë janë marr vesh që në gjashtë muajt e ardhshëm të marrin nga një pagë dhe të zgjidhet situata në kompani.
Zëvendëskryeministri Koço Angjushev paradokohe informoi se për “Eurokompozit” dhe për “Kolska” të Velesit ka interes te investitorët dhe se është optimist se me privatizimin do të zgjidhet problemi, duke mos i larguar të punësuarit.
Qeveria shpalli edhe tender për zgjidhjen e konsulentëve ndërkombëtarë, të cilët duhet të përgatisin analiza të hollësishme profesionale se në çfarë gjendje janë dy fabrikat, që të sigurohet shitje transparente për investitorët potencial.
Konsulenti që do të zgjidhet duhet t’i konfirmojë aksionet e pronësisë në firmat, borxhet, humbjet, por edhe kontestet gjyqësore. Duhet të ofrohen tre modele për shitje, ndërsa Qeveria të zgjedhë një.
(MIA)
