Departamenti shtetëror amerikan e përshëndeti vendimin e Këshillit të BE-së për të propozuar plan për fillimin e negociatave me Maqedoninë dhe Shqipërinë në qershor të vitit 2019 dhe edhe njëherë e konfirmon rëndësinë e Marrëveshjes së arritur me Greqinë.
Në kumtesën e MIA-s nga Departamenti shtetëror theksohet se plani i BE-së varet nga procesi i mëtejshëm në sfera të caktuara.
“Vendimi i Këshillit i thekson përpjekjet e fuqishme të cilat dy vendet i kanë ndërmarrë në zbatimin e reformave për harmonizimin e ligjeve të tyre me standardet e BE-së”, thekson Departamenti shtetëror.
Më tej është sugjeruar se si mik dhe si partner i Maqedonisë, SHBA-ja i ndihmon Qeverisë së Maqedonisë për sukses në integrimin euroatlantik të vendit.
“Kjo përfshinë sundimin e ligjit, përmirësimin e qeverisjes së përgjegjshme, si dhe reforma në gjyqësi, shërbimet e inteligjencës dhe administratës publike. Këto janë çështje të rëndësishme të cilat duhet të zgjidhen në mënyrë të pavarur nga procesi i pranimit në BE”, theksojnë nga Departamenti amerikan i shtetit.
SHBA-ja, gjithashtu, e përshëndet “marrëveshjen historike për zgjidhjen e çështjes së emrit”. Theksohet se kjo marrëveshje e forcon sigurinë rajonale, prosperitetin dhe ardhmërinë e përbashkët evropiane të dy vendeve.
“Kryeministrat Zaev dhe Cipras demonstruan vizion, guxim dhe këmbëngulje në përpjekjet për zgjidhje të pranueshme për të dyja palët”, deklaruan për MIA-n nga Departamenti amerikan i shtetit.
(MIA)
