1597.– Uilliam Barenc, eksploruesi holandez që u përpoq të kërkonte një kalim për në verilindje, vdiq në Arktik gjatë përpjekjes për të liruar anijen e bllokuar nga akulli.
1624. – Franca dhe Provincat e Bashkuara (Holandë) firmosën në Kompinj një traktat mossulmimi.
1756. – Mbi 140 persona, që po mbronin Kalkutën, u burgosën nga Navabi i Bengalit në qelitë e kompanisë së Indisë Lindore. Nga ky burgim që më vonë u quajt Vrima e Zezë e Kalkutës shpëtuan 23 persona.
1819. – Lindi Jakob Eberst, kompozitori i madh gjerman i njohur me emrin Zhak Ofenbah. Ai u bë i njohur për operetat e tij ku përfshihen “Orfeu në ferr” dhe një opera e rrallë “Përrallat e Hofmanit”.
1819. – Avullorja 320 tonësh Savanah bëhet e para avullore që përshkon Oqeanin Atlantik. Ajo mbërriti në Liverpul, mbas nisjes nga porti Savanah i shtetit Xhorxha, mbas 27 ditë dhe 11 orë.
1836. – Vdiq Emanuel Zhozef Sije, udhëheqës revolucionar francez. Ai luajti rolin kryesor në grushtin e shtetit të vitit 1793, që solli në pushtet Napoleon Bonapartin.
1837. – Me hipjen e mbretëreshës Viktoria në fronin e Britanisë, Hanovër ndahet automatikisht nga Britania e Madhe meqenëse ligjet e tij i ndalonin femrat të hipnin në fron.
1900. – Ambasadori gjerman, Baron von Keteler, vritet nga trupa kineze gjatë shtypjes së rebelimit që kërkonte heqjen e influencës së huaj në Kinë.
1906. – Lindi Dama Katerin Kukson, romanciere romantike britanike. Shumica e novelave të saj, mbi 100 milion kopje, të shitura në 30 vende, u shkruan në vendlindjen e saj, në verilindje të Anglisë.
1909. – Lindi në Tasmania, Errol Flin. Ai u bë një nga yjet më të mëdhenj të Hollivudit, duke interpretuar në filma të tillë si “Aventurat e Robin Hudit”, “Skifteri i detit”.
1923. – Vritet në fermën e tij Panço Vila, udhëheqës i revolucionit meksikan.
1924. – Poeti dhe piktori çek Stanisllav Neuman botoi librin “Berogozhdi”, ku ai ndriçon kujtimet dhe përshtypjet e veta nga Pogradeci gjatë qëndrimit në vitet e Luftës së Parë Botërore. Neumani botoi dhe dy vëllime të tjera kushtuar vendit tonë: librin me kujtime “Elbasani” dhe vëllimin poetik “1914-1918 vjersha”.
1936. – Me rastin e grevës së organizuar të ndërtimtarëve, kjo datë është shpallur si Dita e punonjësve ndërtimor të Maqedonisë.
1940. – Qeveria franceze kërkon armëpushim me Italinë, gjatë Luftës së Dytë Botërore.
1944. – Përfundon Beteja e detit të Filipineve, gjatë të cilës Japonia humbi mbi 4000 marinarë dhe pothuajse të gjithë pilotët e mbetur profesioniste.[
1960. – Amerikani Fllajd Peterson, bëhet boksieri i parë që rifiton titullin e kampionit të botës në peshën e rëndë, mbasi ai mundi në “cnout aut” suedezin Ingemar Johanson në Nju Jork.
1990. – Nelson Mandela mbërriti në Nju Jork. Para një pritje triumfuese ai deklaroi se tani mund të shihte “dritë në fund të tunelit”, që do të thoshte; fundi i aparteidit dhe sundimit të të bardhëve në Afrikën e Jugut.
1996. – Në Bruksel, Republika e Maqedonisë dhe Bashkimi Evropian, me këmbimin e letrave e pranuan tekstin e Marrëveshjes për bashkëpunim.
1997. – Rusia premtoi të ndalonte procesin e vendosjes së raketave bërthamore në drejtim të Japonisë me qëllim rregullimin e marrëdhënieve të vështira me Tokion.
1999. – Sekretari i Përgjithshëm i NATO-s Havier Solana, deklaroi se të gjitha forcat serbe ishin larguar nga Kosova dhe në këtë mënyrë bombardimi i NATO-s mbi Jugosllavinë kishte përfunduar zyrtarisht.
2000. – Kina shpik qilimin “inteligjent”, i cili fotografon në mënyrë sekrete të gjithë personat që e shkelin dhe jep alarmin në polici, në rast se dikush futet në mënyrë të paautorizuar. Ky qilim eshte i pari ne llojin e tij, i krijuar nga profesori Yuan Libo.
2001. – Presidenti egjiptian, Hosni Mubarak, nënshkruan marrëveshjen e asociimit me Bashkimin Europian. Marrëveshja e asociimit, pas miratimit të saj nga parlamenti egjiptian dhe nga vendet anëtare të BE-së, do të përfshijë një program për modernizimin e industrisë egjiptiane.
2002. – Iraku dhe Arabia Saudite rihapin kufijtë për mallrat e programit të OKB-së. Si shenjë e përmirësimit të marrëdhënieve ndërmjet dy armiqve të Luftës së Gjirit Persik, Irakut dhe Arabisë Saudite.
2003. – Projektkushtetuta europiane, e hartuar nga Konventa për të ardhmen e Europës, u “miratua si dokument bazë” për vendet e Bashkimit Europian, gjatë samitit të Selanikut.
2005. – Vdiq shkencëtari amerikan Xhek Kilbi, fitues i Çmimit Nobel për fizikë, shpikja e të cilit nga viti 1958 – qarku i integruar elektrik, paraqiste bazë të revolucionit informatik.
(MIA)
