Progresi në bashkëpunimin mes të dyja vendeve, në veçanti bashkëpunimi ndërkufitar, perspektivat evropiane te Ballkanit Perëndimor, proceset eurointegruese, si dhe pritjet nga samiti i ardhshëm i Bashkimit Evropian, ishin temat të takimit të sotëm në Prishtinë të zëvendëskryeministrit të angazhuar për Çështje Evropiane, Bujar Osmani, me presidentin e Republikës së Kosovës. Hashim Thaçi.
“Data për negociata për Republikën e Maqedonisë, paraqet pikë kyçe për integrimet tona evropiane, por edhe një përcaktues kryesor për perspektivat evropiane në tërë Ballkanin Perëndimor” theksoi Osmani.
Ai shfaqi kënaqësi se i gjithë rajoni dukshëm po vazhdon drejt Evropës dhe se ka perspektivë kredibile për progresin secilit vend.
‘’Mbyllëm çështjen komplekse ndërmjet Maqedonisë dhe Greqisë, i cili paraqet sukses diplomatik ndërshtetëror qe besoj se do ju imponohet si një mënyrë për t’i mbyllur çështjet e hapura mes vendeve fqinje në gjithë rajonin’’ theksoi Osmani, duke shtuar se së bashku me implementimin e sukseshëm të marrëveshjes për fqinjësi të mirë me Bullgarinë, demonstron në vepër pjekurinë dhe seriozitetin e Maqedonisë ne raport me fqinjët e saj.
Gjatë vizitës, Zëvendëskryeministri Osmani do të realizoj takim edhe me Zëvendëskryetarin e Qeverisë së Kosovës, Enver Hoxhaj , ku fokusi i bisedimeve do të jetë bashkëpunimi mes dy qeverive.
(MIA)
