Përfaqësuesja e Lartë për Politikë të Jashtme dhe Siguri të Bashkimit Evropian Federika Mogerini, duke u përgjigjur në pyetjen e gazetarëve për idenë që të hapen kampe për refugjatë në Ballkan, porositi se BE-ja duhet të punojë me modelin ekzistues.
“Kemi sistem me Libinë dhe mendoj se mund të jetë model i dobishëm, të mbështetet dhe konsolidohet. Është i bazuar në bashkëpunim me autoritetet e vetë vendit, agjencia e KB-së dhe vendi i origjinës. Modeli jep rezultate dhe nuk mendoj se na nevojitet instrument i ri. Duhet të investojmë më shumë resurse që ta konsolidojmë këtë mekanizëm, i cili jep rezultate tashmë gjashtë muaj”, deklaroi Mogerini.
Ministri danez para pak kohe propozoi të hapen kampe të refugjatëve në “Evropë, por jashtë BE-së” duke aluduar, sipas burimeve diplomatike, në Ballkanin Perëndimor. Austria shfaqi mbështetje për idenë daneze, por kjo nuk është formalizuar.
Menaxhimi me migrimin dhe gjetjen e zgjidhjes për këtë çështje politike veçanërisht të ndjeshme në BE do të jetë njëra nga temat kryesore në kryesimin e ardhshëm austriak nga 1 korriku. (MIA)
