Shefi i diplomacisë gjermane, Hajko Mas, e përshendeti sot marrëveshjen e arritur ndërmjet Maqedonisë dhe Greqisë për çështjen e emrit si dhe deklaroi që shpreson se kjo marrëveshje do të pranohet mirë nga qytetarët, si dhe Gjermania do të vazhdoj ta mbështesë këtë proces.
Më tej shtoi se kjo çështje është vendimtare për interesat e Evropës dhe Gjermanisë, si dhe përsëriti qëndrimin se është i gatshëm që të lobojë rreth procesit integrues të Maqedonisë për në BE dhe NATO.
“Jam i bindur se pozicioni i Qeverisë do të pranohet në Parlament, si dhe nga miqtë tanë Holandez dhe Francez me të cilët intenzivisht po bisedojmë për të arritur një pozicion të përbashkët”, përfundoi Mas.
Ndërsa i ministri i Punëve të Jashtme i Maqedonsië deklaroi se janë falënderues ndaj Gjermanisë për mbështetjen e dhënë për Maqedoninë.
“Në rrugë të mbarë jemi që të zgjedhim një kontest, i cili ishte si gurë, dhe e pengonte progresin. Maqedonia po lufton tani për vlerat Europiane sikurse Gjermania që i ka, dëshirojmë që të mos kemi konteste me fqinjët, të kemi media të lira, gjyqësor të pavarur dhe të zgjidhim të gjitha dilemat, e sidomos të krijojmë ardhmëri për gjeneratat e ardhshme” deklaroi Dimitrov.
Më tej shtoi se për të qenë marrëveshja “win-win”, duhet që të fillojë Maqedonia bisedimet për në BE dhe të merr ftesën për në NATO.
Burimi: TV21
