Në Kinotekën e Maqedonisë sonte do të shfaqet filmi “Pluhuri” nga Millço Mançevski si përshëndetje e fundit për doajenin e aktrimit teatral dhe filmik, Salaetin Bilall.
Bilall ishte aktor teatral, filmik dhe televiziv i cili studioi në Konservatorin e teatrit në Stamboll. Në vitin 1964 u bë anëtar i ansamblit të Dramës turke pranë Teatrit të kombësive në Shkup, ndërsa si aktor merr pjesë edhe në projekte të shfaqura në skenat e Teatrit popullor të Maqedonisë, Teatrit të dramës, si dhe në skenën amë me ansamblin e Dramës shqipe.
Për arritjet e tij në aktrim u shpërblye si artisti më i mirë i Lojërave teatrale “Vojdan Çernodrinski” në Prilep në vitin 1976 dhe 1990, ndërsa në Lojërat teatrale në vitin 1992 e fitoi çmimin për rol më të mirë dytësor. Dy herë ishte fitues i çmimit që e ndau revista “Ekran” – Aktor i vitit në vitin 1976 dhe 1977. Është fitues edhe i mirënjohjeve shoqërore “13 Nëntori” – çmimi i qytetit të Shkupit për vitin 1977, ndërsa në vitin 1984 e fitoi mirënjohjen më të lartë republikane “11 Tetori”.
Në filmografinë e Salaetin Bilallit numërohen shumë realizime filmike, por do të mbahen mend edhe realizimet e tij televizive, mes të cilave edhe “Samari magjik”, dhe “Tregime popullore maqedonase”,…
(MIA)
