Civili e zbaton projektin Veprim – Integrim për mbështetjen e reformave demokratike, pjesëmarrjes qytetare, iniciativave të gjelbra dhe vlerave evropiane në Republikën e Maqedonisë.
Nesër, më 29 maj ( e martë), në Tetovë do të mbahet punëtoria e dytë në temën “Çfarë Maqedonie dua?”, me përfaqësues të pushtetit lokal, organizata qytetare, organizatat e gjelbra, parti politike, media, aktivistë dhe qytetare dhe qytetarë të interesuar. Punëtoria do të fillojë në ora 14, në hapësirat e Qendrës për Bashkëpunim Ballkanik – Loja.
Në punëtorinë do të prezantohet projekti i Civilit i cili zbatohet në partneritet me Fondacionin Hajnrih Bell nga Gjermania. Në pjesën punuese të kësaj ngjarje, do të hapet diskutim për mundësitë për pjesëmarrjen qytetare në reformat demokratike në nivel lokal dhe nacional. Më tej, kujdes të posaçëm do t’u kushtohet iniciativave dhe strategjive të gjelbra, si dhe për çështjet lidhur me promovimin dhe praktikimin e vlerave evropiane dhe alternativave të gjelbra, na pritje të proceseve për integrimin e Maqedonisë në BE.
Ekipi i Civilit do të jetë në dispozicion për takime individuale dhe biseda pas mbarimit të punëtorisë e cila do të zgjasë rreth dy orë.
Përveç punëtorisë dhe takimeve individuale, ekipet e Civilit do të vendosin info -stenda në Tetovë dhe në komunat fqinje, në të cilat qytetaret dhe qytetarët do të kenë mundësi të njihen me aktivitetet e Civilit, si dhe të këmbejnë qëndrime, mendime dhe sugjerime për temat që i përfshin ky projekt.
