Lindi Zhozeh Injas Gijotin, mjek francez dhe përkrahës i dënimit kapital. Ekzekutimi i parë, me mekanizmin e prerjes së kokës, që mban emrin e tij, u bë më 25 prill 1792.
1805. – Lindi burrështeti anglez Uiliam Pit, i cili në vitin 1783 u bë kryeministri më i ri në historinë e Britanisë së Madhe. Në kohën deri sa ishte shef i qeverisë deri në vitin 1801 dhe nga vitit 1804 deri në vitin 1806 zhvillonte politikë ekspanzive koloniale, ndërsa në Indi e përforcoi pushtetin britanik duke e reformuar administratën.
1812. – Në Bukuresht, Rusia dhe Perandoria osmane nënshkruan marrëveshje paqësore me çka përfundoi lufta gjashtëvjeçare. Rusia e mori Bezarabinë, si dhe disa rajone të Kaukazit, ndërsa i mbajti Vllashkën dhe Moldavinë.
1843.- Vdiq filologu dhe leksikografi amerikan Noa Vebster, simbol i traditës leksikografike të SHBA-së. Në vitin 1806 e publikoi fjalorin e tij të parë në gjuhën angleze “Compendious Dictionary of the English Language”, ndërsa në vitin 1828 e publikoi fjalorin i cili edhe sot e mban emrin e tij. Të gjithë fjalorët e tij konsiderohen si fjalorët më të mirë të gjuhës bashkëkohore angleze.
1849. – Vdiq shkrimtarja angleze me preardhje irlandeze Ana Bronte, më e reja nga tre motrat shkrimtare, autore e romaneve “Agnes Grej” dhe “Banuesja në Uajldfel Holl”.
1884. – Lindi burrështeti çek Eduard Benesh, president i Çekosllovakisë nga viti 1936 deri në vitin 1938 dhe nga viti 1945 deri në vitin 1948.
1934. – Kanadezja Olivia Dion në Kalender, në shtetin kanadez Ontario, lindi pesë vajza, të quajtura “Pesëshja e Dionit”, pesëshja e parë në botë për të cilën dihet se kanë mbijetuar.
1937. – Nevil Çemberlen u bë kryeministër anglez. Ishte bartës vendimtar i politikës angleze dhe veropiane për pajtim.
1961. – Pas 78 viteve komunikacioni në linjën Paris – Stamboll ndërpritet të eksploatohet treni “Orient ekspres”.
1976. – Bashkimi Sovjetik dhe SHBA-ja nënshkruan marrëveshje për përkufizim të provave nëntokësore bërthamore.
1993. – Republika e Maqedonisë është pranuar në anëtarësinë e Organizatës ndërkombëtare të punës me seli në Gjenevë, agjenci e specializuar e OKB-së.
1995. – Në një tërmet që e goditi qytetin rus Neftegors në ishullin Sahalin jetën e humbën të paktën 1.989 persona.
1998. – Pakistani edhe zyrtarisht u bë fuqi bërthamore, duke kryer pesë shpërthime provë bërthamore.
2008. – Në Nepal është hequr monarkia për shkak se kuvendi konstitutiv në Katmandu votoi vendosje të republikës.
(MIA)
