Zbatimi i përbashkët i masave për përmirësimin e shëndetit të nënave dhe të sapolindurve dhe kontribut në uljen e vdekshmërisë së tyre duhet të mundësojë marrëveshja e nënshkruar sot nga Ministri i Shëndetësisë Venko Filipçe dhe Drejtoresha e Popullatës të KB-së (UNFPA) për Maqedoninë, Doina Bologa.
Me Marrëveshjen sigurohen gjithsej pesë milionë denarë. Gjysma e tyre sigurohen nga Qeveria, ndërsa gjysma tjetër nga UNFPA.
Ministri Filipçe pas nënshkrimit tha se kjo marrëveshje parashikon që deri në fund të vitit të zbatohen disa aktivitete: mbajtjen e trajnimeve në të dy maternitetet të cilat mbulojnë përqindjen më të lartë të lindjeve në vend, zbatimin e praktikave sipas standardeve të fundit të OBSH-së për kujdesin ndaj nënave dhe të sapolindurve, trajnime nga konsulentë me përvojë të OBSH gjatë zbatimit të praktikave për përmirësimin e shëndetit të nënave dhe foshnjave, finalizimin dhe zbatimin e standardeve për gjinekologji dhe obstetrikë në spitale të caktuara …
Marrëveshja është në përputhje me Programin e UNFPA-së për Maqedoninë për periudhën 2016-2020, si dhe me një nga çështjet prioritare kombëtare. (MIA)
