I përshëndes përpjekjet për gjetjen e zgjidhjes, ndërsa nëse zgjidhet problemi, atëherë NATO-ja do ta ftojë IRJM-në të bëhet anëtare e NATO-s, thotë sekretari i përgjithshëm i Aleancës, Jens Stoltenberg, në intervistë për agjencinë greke të lajmeve ANA-MPA.
“Me të vërtetë i përshëndes përpjekjet e bëra nga të dyja palët, edhe nga Shkupi edhe nga Athina, që të mundohen të gjejnë zgjidhje për çështjen e emrit. E vizitova Shkupin para disa muajve, gjithashtu kam biseduar me kryeministrin Cipras pas vizitës sime dhe e përshëndes përkrahjen e fuqishme politike për përpjekjet e gjetjes së zgjidhjes në këtë çështje shumë të rëndë dhe të ndjeshme. Por, nëse çështja e emrit zgjidhet, atëherë NATO-ja do ta ftojë IRJM-në të bëhet anëtare e NATO-s”, thotë Stoltenberg.
Siç njoftoi korrespondenti i MIA-s nga Athina, sekretari i përgjithshëm i NATO-s duke folur për zgjerimin e Aleancës tha se dera e NATO-s mbetet e hapur për anëtarë të rinj, siç ishte rasti me Malin e Zi vitin e kaluar, ndërsa këtë vit në samitin do të shqyrtohen kandidimet e Bosnjë e Hercegovinës, të Gjeorgjisë, por edhe të Maqedonisë. (MIA)
