Kryeministri Zoran Zaev deklaroi se pret një hap përpara nga takimi i sotëm në Vjenë të shefave të diplomacive të Maqedonisë dhe të Greqisë Nikolla Dimitrov dhe Nikos Koxias me ndërmjetësuesin e Kombeve të Bashkuara për kontestin me emrin, Methju Nimic.
Siç tha sot kryeministri, duke u përgjigjur në pyetjen e gazetarëve pas nënshkrimit të programit vjetor për punësim, beson në të dy ministrat e punëve të jashtme, ndërsa edhe vetë ai është optimist.
“Ka përparim i cili na jep arsye të bëjmë një hap përpara dhe në takimin e sotëm në Vjenë. Marrëdhënia evropiane, përmes dialogut, të gjinden zgjidhje, e dërgon mesazhin për një ardhmëri të mirë”, theksoi Zaev.
Lidhur me ngjarjet në Kuvend më 27 prill të vitit të kaluar të cilat për dy ditë do të shënojnë një vit dhe se sistemi juridik nuk do të fshehë, por do të marrë vendime të drejta”, potencoi kryeministri.
Për rikonstruimin e paralajmëruar në Qeveri, tha se bisedimet janë nga fundi se pas festave të 1 Majit ai personalisht do të dalë dhe do ta njoftojë opinionin për vendimet.
“Më shumë i shfrytëzoj fundjavat për këtë lloj të bisedimeve dhe këtë fundjavë që është para nesh ato do të përfundojnë”, plotësoi Zaev.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
