Ministrja e Mbrojtjes së Republikës së Maqedonisë, Radmilla Shekerinska dhe zëvendëkomandanti i Komandës kryesore të forcave aleate të NATO-s për Evropë, gjenerali sër Xhejms Everard do të mbajnë konferencë për shtyp me rastin e hapjes së NATO-punëtorisë për koordinim të partneriteteve ushtarake, nikoqir i së cilës sivjet do të jetë Republika e Maqedonisë.
Siç kumtoi Ministria e Mbrojtjes, punëtoria disaditore ku do të marrin pjesë rreth 200 përfaqësues të vendeve të NATO-s dhe vendeve-partnere do të përfshijë disa tema – operacionet e kryesuara nga NATO-ja dhe pjesëmarrja e partnerëve në këto operacione, harmonizimi i proceseve partnere, edukim, stërvitje dhe trajnime. Një pjesë e punëtorisë do të jetë edhe prezantimi i 15 kapaciteteve arsimore të NATO-s dhe të partnerëve, pjesa e së cilës është pjesë e Qendrës së vetme NATO-partnere në Republikën e Maqedonisë, Qendra rajonale për marrëdhënie me opinionin, si dhe NATO-shkolla në Obermargau.
Komanda e forcave aleate, e locuar në Mons, Belgjikë është komanda strategjike ushtarake kryesore e Aleancës, drejtpërdrejt e nënshtruar nën njërën nga të dyja komandat politike, Komandat aleate për operacione të NATO-s. Komanda ushtarake kryesore në nivel më të lartë strategjik i udhëheq të gjitha aktivitetet ushtarake të Aleancës.
Burimi: MIA
