Në Qendrën memoriale të holokaustit të hebrenjve nga Maqedonia sot do të mbahet përkujtim me rastin e Jom Ashoas dhe do të promovohet libri “Nata” nga nobelisti Eli Vizel.
Jom Ashoa është dita kombëtare përkujtimore e holokaustit dhe trimërisë të shtetit të Izraelit e cila shënohet në përkujtim të kryengritjes së hebrenjve në geton e Varshavës në vitin 1943 dhe ditës përkujtimore të gjashtë milionë hebrenjve të vrarë në holokaust.
Libri përkujtimor “Nata” është botuar nga Fondi i holokaustit të hebrenjve nga Maqedonia dhe “Ars Libris” (pjesë nga “Ars Lamina – publikime”). Në të Eli Vizel (1928-2016) e ka përshkruar atë që vetë e ka përjetuar në kampet e vdekjes. Vepra në mënyrë më autentike e përshkruan holokaustin në sytë e autorit, i cili si djalë 15 vjeçar e kishte përjetuar holokaustin në Aushvic. Promovues i librit do të jetë prof.dr. Todor Çepreganov.
Përkujtimin me të cilin do të shënohet Jom Ashoa e organizojnë Shoqata e hebrenjve në Republikën e Maqedonisë dhe Fondi i holokaustit të hebrenjve nga Maqedonia.
Burimi: MIA
