Me autobus të transportit publik urban, rreth 15 anëtarë të grupit anarkist “Rubikon”, arritën para konsullatës turke në Athinë, e sulmuan me ngjyra dhe pas një kohe të shkurtër u larguan, sërish me autobus.
Siç lajmëroi korrespondentja e MIA-s nga Athina, sipas videos që vetë e publikuan disa orë pas incidentit, sulmi është për shkak të intervenimit turk në Afrin.
“Afini ra, por luftimet vazhdojnë”, komentojnë anëtarët e grupit “Rubikon”.
Sipas mediumeve greke, policia pas sulmit i arrestoi 4 persona, por pas një kohe të shkurtër e kuptuan se ata nuk kanë kurrfarë lidhje me sulmin dhe menjëherë u liruan.
Nga policia greke e dënojnë sulmin, thonë se bëhet fjalë për veprim të papranueshëm, ndërkaq në rrjedhë është hetimi për zbulimin e autorëve.
Shoqata anarkiste “Rubikon”, qëndron pas një sërë incidentesh dhe sulmesh në Greqi, hyrje me dhunë në ministri, kompani, organizata dhe të ngjashme.
Burimi: MIA
