Misioni i OSBE-së pati rol të rëndësishëm në tejkalimin e sfidave të shumta periudhën e kaluar, veçanërisht në pjesën e reformave zgjedhore, por edhe në përgjithësi, në implementimin e parimit rë sundimit të të drejtës, theksoi zëvendëskryetari i Qeverisë së Republikës së Maqedonisë, për Çështje Evropiane, Bujar Osmani.
Ai në takimin e sotëm me ambasadoren e OSBE-së, Nina Souomalainen, me rastin e përfundimit të mandatit të saj dhe kargimit të saj shtoi se mbështetja e OSBE-së që nga fillimi i zhvillimit demokratik të Maqedonisë paraqet pjesë të pandashme nga ndërtimi i shoqërisë demokratike.
Osmani ka shfaqur mirënjohjen e tij për angazhimin e saj personal si dhe mbështetjen gjatë kohës së mandatit si Ambasadore e Misionit të OSBE-së në vendin tonë.
“Misioni i OSBE-së kishte rol të rëndësishëm në tejkalimin e shumë sfidave periudhën e kaluar, në veçanti në pjesën e reformave zgjedhore, si dhe në përgjithësi, në implementimin e parimit të sundimit të ligjit” theksoi Osmani.
Gjatë bisedës bashkëbiseduesit shkëmbyen mendime për mbështetjen dhe ndihmën të cilën Misioni i OSBE-së në Shkup siguron për Maqedonisë në drejtim të përmbushjes së reformave edhe në fushat tjera si që janë gjyqësia, mediat, sektori civil etj. në këtë drejtim ata shprehën kënaqësi nga bashkëpunimi i deritanishëm dhe së bashku shprehën shpresë se mbështetja dhe bashkëpunimi mes OSBE-së dhe qeverisë të Republikës së Maqedonisë, do të vazhdojë edhe në të ardhmen.
Në fund të takimit Zëvendëskryeministri Osmani i dëshiroi sukses Ambasadores Suomalainen në angazhimin e saj të mëtutjeshëm profesional.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
