Civili organizon tryezë të rrumbullakët në temën “A ka liri në Maqedoni”, kushtuar lirisë së shprehjes dhe lirive të mediave, në Klubin e Gazetarëve, nesër, më 14 mars me fillim në ora 13.
Në pesë muajt e kaluara, organizata e zbatoi projektin “Nga kuptimi deri te mbrojtja e lirisë së shprehjes dhe lirive të mediave” në të cilin morën pjesë mbi 60 njerëz nga sfera e medias dhe shoqërisë qytetare, dhe qindra qytetare dhe qytetarë të cilët u përgjigjën në pyetjet a ka liri të shprehjes në Maqedoni, sa u besojnë mediave dhe cili është perceptimi i tyre për pavarësinë e medias.
Në fund të këtij projekti, Civili e organizon këtë tryezë të rrumbullakët në të cilën i fton bashkëbisedueset dhe bashkëbiseduesit në projektin, qëndrimet e të cilëve janë të botuara në platformën mediatike në gjuhën maqedonase, shqipe dhe angleze. Evenimenti është i hapur edhe për përfaqësuesit e mediave, shoqërinë qytetare, institucionet dhe qytetaret dhe qytetarët e interesuar.
Ekipi i Civilit për momentin është duke i kryer analizën dhe rekomandimet të cilat themelohen në aktivitetet dhe përvojat e organizatës në disa vitet e fundit, si dhe në qëndrimet dhe rekomandimet nga të gjithë pjesëmarrësit në projektin. Në fillim të ngjarjes, përfaqësues i Civilit do t’i prezantojë analizën dhe rekomandimet në sferën e mediave dhe lirinë e shprehjes.
Ky projekt është i financuar nga Bashkimi Evropian përmes programit për grante të vo
gla “ Mbrojtja e lirisë së mediave dhe lirisë së shprehjes në Ballkanin Perëndimor” e zbatuar nga Shoqata e gazetarëve të Kroacisë, si pjesë e projektit rajonal “Platforma rajonale e Ballkanit Perëndimor e mediave për sigurinë e gazetarëve”, i zbatuar përmes partneritetit të gjashtë shoqatave gazetare rajonale – Shoqata e gazetarëve të pavarur të Kroacisë, Shoqata e gazetarëve të Bosnjës dhe Hercegovinës, Shoqata e gazetarëve të Kroacisë, Shoqata e gazetarëve të Kosovës, Shoqata e Gazetarëve të Maqedonisë dhe Sindikata e mediave të Malit të Zi.
