Në tremujorin e fundit të vitit të kaluar nga gjithsej 953.692 popullatë aktive të punësuar ishin 745.206, ndërsa të papunësuar 208.486 persona. Shkalla e papunësisë në periudhën e njëjtë është 21,9 për qind, tregojnë të dhënat e Entit Shtetëror të Statistikës.
Shkalla e aktivitetit në periudhën e njëjtë është 56,8 për qind, ndërsa shkalla e punësimit 44,3 për qind.
Krahasuar me kuartalin e fundit në vitin 2016 shënohet zvogëlim i papunësisë i cili atëherë ka arritur 23,1 për qind, si dhe rritje e shkallës së punësimit i cili atëherë ka arritur 43,5 për qind.
Në periudhën e potencuar 61,3 për qind e popullatës aktive të aftë për punë ishin burra, ndërsa 38,7 për qind ishin gra. Nga numri i tërësishëm i të punësuarve, sërish, 61 për qind ishin burra, ndërsa 39 për qind gra.
Popullatë joaktive në kuartalin e fundit ishin gjithsej 726.702 persona prej të cilëve 256.511 ishin burra, ndërsa 470.191 gra.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
