Gjykata e Apelit ka sjell vendim që të mos ia kthej pasaportën Nikolla Gruevskit, që është kërkuar për udhëtime zyrtare. Dëshmia e dorëzuar, ftesa nga kryeministri i Hungarisë, Viktor Orban, nuk kaloi në gjykatë për shkak të mungesave paraprake të tij për lëndët që janë iniciuar nga PSP.
Gruevski akuzohet nga PSP për rastet “TNT”, “Titanik” dhe “Dhunë dhe shuplakë në Qendër”.
Gjithashtu, Gjykata e Apelit në Shkup, e ka anuluar seancën e sotshme për lëndën “Tenderi” që ka të bëj me keqpërdorimin në ndërtimin e Muzeut të OBRM, dhe se seanca e njëjtë do të zhvillohet ditën e nesërme, ku do të vendoset për pesë audio incizimet nga bisedat telefonike, se a do të shërbejnë si dëshmi në këtë lëndë. Arsyeja për anulimin e seancës është mungesa e gjykatëses Liljana Ivanova Shopova për shkak të obligimeve zyrtare. Në seancë nuk u paraqitën as e akuzuara e parë, ish-ministrja e kulturës Elizabeta Kançevska Milevska si dhe dy të akuzuarat tjera Lidija Llazarovska – Cvetkovska dhe Julijana Ugrinovska.
Deri tani materiali i përgjuar është pranuar si dëshmi në lëndët “Dhunë në Qendër” dhe “Trista”, ndërsa është mohuar në lëndët “Titanik”, “Tenk”, “Tifani” dhe “Trevnik”.
B.J.
