Partitë politike kanë kohë deri në mesnatë për prezantimin e kandidatëve të tyre për kryetar të komunave ku garojnë në rrethin e dytë të zgjedhjeve lokale.
Fushata zgjedhore po përfundon, ndërsa nga mesnata mediat dhe gjithë pjesëmarrësit në procesin zgjedhor, deri në ora 19 të dielën më 29 nëntor ndalohet çdo lloj i shpërndarjes së informacioneve, fotografive dhe llojeve tjera të materialeve audiovizuele lidhur me pjesëmarrësit e procesit zgjedhor.
Kjo nënkupton se përhapja e propagandës, agjitimi partiak, udhëheqja e fushatës dhe shkelje tjera të Kodit Zgjedhor janë rreptësishtë të ndaluara.
CIVIL – Qendra për Liri fton gjithë qytetaret dhe qytetarët të lajmërojnë çdo shkelje të heshtjes zgjedhore në numrat e telefonit 02 / 5209 176, 071 608 523, 078 / 746 138 dhe përmes online formularit www.slobodniizbori.info.
Ekipi monitorues i Civilit intenzivisht vazhdon me vëzhgimin e procesit zgjedhor mes dy rretheve zgjedhore dhe do të jetë në disponim për mediat, qytetarët dhe qytetaret, si dhe për të gjithë palët e përfaqësuara në procesin zgjedhor për gjitha informatat lidhur me zgjedhjet lokale.
