Kryetari i Komisionit shtetëror zgjedhor, Aleksandar Çiçakovski i fton gjithë pjesëmarrësit e këtyre zgjedhjeve që të sigurojnë zgjedhje korrekte dhe demokratike duke respektuar Kushtetutën dhe ligjet e Republikës së Maqedonisë. Në intervistë për MIA ai potencoj se zgjedhjet lokale të nesërme janë kusht për përparimin e mëtutjeshëm të vendit dhe se KSHZ do të bëj gjithçka për zgjedhje të suksesshme, njofton MIA.
“Në emër të gjithë anëtarëve të Komisionit shtetëror zgjedhor, ftoj gjithë pjesëmarrësit në zgjedhje, administratën zgjedhore, partitë politike, qytetarët, që të sigurojnë zgjedhje korrekte dhe demokratike duke respektuar Kushtetutën dhe ligjet e Republikës së Maqedonisë. Qytetarët e Republikës së Maqedonisë presin që nga KSHZ dhe administrata zgjedhore të sigurohen zgjedhje korrekte dhe demokratike, të cilat janë kusht për përparimin e mëtutjeshëm të Republikës së Maqedonisë”, deklaroi Çiçakovski.
Sipas tij, KSHZ, i ka kryer gjitha aktivitetet për përgatitje dhe organizim të zgjedhjeve lokale 2017.
“Në përgjithësi i kemi mbaruar gjitha aktivitetet për të siguruar zgjedhje korrekte dhe demokratike, zgjedhje në përputhshmëri me Kodin Zgjedhor dhe të drejtën tjetër pozitive të Republikës së Maqedonisë, thotë kryetari i KSHZ, njofton MIA.
Mbi listën Zgjedhore ka përsëritur se kjo paraqet themele pozitive për zbatimin e zgjedhjeve korrekte dhe të besueshme dhe se kjo është produkt i kornizës ligjore dhe shkallës së vazhdueshme të saktësisë të të dhënave të cilat janë marr nga Ministria e punëve të brendshme, drejtoria e udhëheqjes së librave amë, gjykatat themelore dhe institucione tjera.
Numri i paraqitjes së personave të sëmurë dhe të pafuqishëm në krahasim me zgjedhjet lokale të vitit 2013 dhe zgjedhjet e parakohshme parlamentare është më i vogël, sipas Çiçakovskit ndoshta kjo është për shkak të udhëzimit që e solli KSHZ që para zgjedhjeve parlamentar.
Është i dukshëm trendi që edhe në zgjedhjet e parakohshme parlamentare por edhe në këto zgjedhje lokale të ulet ky numër. Ndoshta kjo është rezultat i udhëzimit që e sollëm para zgjedhjeve të parakohshme parlamentare, ku është precizuar rregullorja e Kodit Zgjedhor e cila i referohet formës së miratimit të kërkesës për votim të personave të sëmurë dhe të pafuqishëm” tha Çiçakovski në intervistën e MIA, duke shtuar se bëhet fjalë edhe për qasje të ndryshme të qytetarëve.
burim: MIA
Përmbajtjet të cilat CIVIL i merr nga burime të tjera nuk nënshtrohen në licencën Creative Commons 1.0, përndryshe është e zakonshme, për përmbajtjet të cilat i plason kjo platformë mediatike. Ju lutemi, konsulltohuni me buruesit për marrje të përmbajtjeve të tilla.
