“Do të luftojmë për liri dhe do të fitojmë!”, tha Kristina Henshen nga Platforma e organizatave qytetare për zhvillim global “Konkord”, në Ditët e shoqërisë qytetare -Stokholm (SCSD), eveniment ndërkombëtar që këto ditë i lidh të gjitha ata që në mënyrë aktive punojnë në, ose me organizata qytetare, të kyçur në bashkëpunim zhvillues ndërkombëtar. CIVIL -Qendra për Liri është pjesëmarrëse në evenimentin në Stokholm, me ftesë të Qendrës Ndërkombëtare për shoqëri qytetare me seli në Berlin, organizatë partnere e Civikus, të cilët janë bartës së iniciativës globale Fol!
SDSC është në organizim të “Sida”, agjencisë Suedeze për bashkëpunim zhvillues ndërkombëtar, dhe “Konkord” nga Suedia, Platformë e organizatave qytetare për zhvillim global.
“Do të luftojmë për liri, dhe do të fitojmë!”, tha Kristina Henshen nga “Konkord”, në hapjen e sotme të Ditëve të shoqërisë qytetare që do të mbahen deri më 22 shtator.
Këtë vit, fokusi i SCSD 2017 është i drejtuar nga ngushtimi i hapësirës qytetare. Represioni i rritur mbi liritë qytetare dhe mbi hapësirën demokratike në një numër të madh të vendeve, do të thotë se shoqëria qytetare, bashkëpunimi zhvillues dhe politikat, duhet të veprojnë më tepër dhe të jenë më të guximshëm, ndërsa SCSD është vendi i duhur të diskutohet për këtë.
SCSD ka për qëllim këmbimin e përvojave dhe praktikave për nxitjen e pjesëmarrësve për ndryshime. Fokusi nuk është në formulimin e problemit ose paraqitjes së arritjeve të shkëlqyera, por në adresimin e të vërtetave të vjetra dhe hulumtimin e strategjive të reja për veprim në bashkëpunimin zhvillues dhe politikë.
B.J.
