Komiteti Evropian ekonomik-social e organizon forumin e gjashtë të shoqërisë qytetare të Ballkanit perëndimor në Sarajevë më 10-11 korrik të vitit 2017. Temat kryesore në agjendl do të jenë roli i organizatave të shoqërisë qytetare në promovimin e rritjes së qëndrueshme dhe punësimi, migrimi në Ballkanin Perëndimor, liria e shprehjes dhe e mediave, si dhe të drejtat dhe forcimi i grave.
Në Forumin do të marrin pjesë rreth 100 pjesëmarrës, duke i përfshirë edhe përfaqësuesit e shumtë të shoqërisë qytetare nga BE dhe Ballkani Perëndimor, si dhe përfaqësues të institucioneve të BE, organizatat ndërkombëtare dhe qeveritë në rajon.
Zhorzh Dasis, presidenti i Komitetit, Morten Jung, këshilltar i lartë për Ballkanin Perëndimor pranë Komisionit Evropian dhe Goran Svillanoviq, sekretari gjeneral i Këshillit për bashkëpunim rajonal, janë të ftuar ta hapin këtë evenmiment të madh.
Nga Maqedonia janë ftuar gjashtë pjesëmarrës, mes të cilëve edhe Xhabir Deralla nga CIVIL –Qendra për Liri. Nga pjesëmarrësit e Maqedonisë, sipas agjendës, në Forumin do të drejtohen Aleksandar Krzhallovski nga Qendra e Maqedonisë për bashkëpunim dhe Naser Selmani nga Shoqata e gazetarëve të Maqedonisë.
Në fund të evenimentit do të shpallet deklaratë me rekomandime nga organizata qytetare.
Hashtagu i Forumit është #EESC_WBForum. Ndjekni postimet edhe në profilin e Twitterit të Civilit.
