Svetllana Stanojkovska, biologe e diplomuar, presidente e shoqatës ekologjike “Eko femina” nga Probishtipi, për CIVIL Media flet për ndotjen e truallit dhe për ndërtimin dhe zgjerimin e industrisë së rëndë në dhe rreth qytetit.
“Probishtipi po përballet me një lloj ndotjeje ku kemi zonë të rëndë të industrisë së rëndë, gjysmë kilometri largë nga qyteti, ku për momentin po ndërtohet fabrikë çeliku, dhe veç më po paralajmërohen edhe projekte tjera të industrisë së rëndë. Këto projekte me të vërtetë do të kontribuojnë për ndotje edhe më të madhe”, tha Stanojkovska.
Në aspektin e fushatës kundër-ekologjike që po zhvillohet, Stanojkovska thotë se qytetarët nuk guxojnë të gënjehen me floskulën se “duhet të ketë ndotje, që të ketë punësime”.
“Qytetarët janë të painformuar dhe nuk e dinë se çfarë do të thotë ndikimi i metaleve të rënda mbi organizmin. Pasojat janë shumë të mëdha dhe të gjata”, thotë Stanojkovska.
Gazetare dhe montazhi: Maja Ivanovska
Kamera: Dehran Muratov
Intervista është pjesë e projektit “Shoqëri pa kufij”, të cilin CIVIL – Qendra për Liri e zbaton me mbështetje nga Fondacioni Gjerman “Hajnrih Bell”. Qëllimi i projektit është promovimi dhe edukimi i qytetareve dhe qytetarëve të Maqedonisë për “Kartën Qytetare”, dokumentin global për avancimin e të drejtave qytetare dhe të pjesëmarrjes aktive të qytetarëve në proceset e vendimmarrjes.
