Dita Ndërkombëtare e Demokracisë është një kujtesë se liria, të drejtat dhe dinjiteti njerëzor nuk jepen një herë e përgjithmonë. Ato kërcënohen vazhdimisht nga abuzimet, dhuna dhe manipulimi politik. Demokracia kërkon kujdes aktiv, pjesëmarrje dhe guxim — nga institucionet, shoqëria civile, media, por edhe nga secili individ.
CIVIL – Qendra për Liri porosit se sot, më shumë se kurrë, është e nevojshme:
- të mbrohet pavarësia e institucioneve nga ndikimet partiake dhe korrupsioni;
- të mbrohet liria e medias dhe gazetarëve nga presionet, kërcënimet dhe dezinformimi;
- të sigurohet përfaqësim i drejtë dhe mundësi të barabarta për të gjithë qytetarët, pavarësisht nga përkatësia etnike, feja, gjinia apo përkatësia tjetër;
- të inkurajohet pjesëmarrja aktive e të rinjve në krijimin e politikave publike dhe të ardhmen e vendit.
Në Maqedoninë e Veriut, sfidat për demokracinë mbeten të mëdha: erozioni i besimit në institucione, keqpërdorimi i burimeve publike, kërcënimet ndaj aktivistëve dhe gazetarëve, pandëshkueshmëria e atyre që janë në pushtet. Këto fenomene minojnë thelbin e demokracisë dhe gërryejnë ndjenjën e drejtësisë midis qytetarëve.
Prandaj, CIVIL – Qendra për Liri u bën thirrje të gjithë aktorëve shoqërorë dhe politikë të marrin përgjegjësi dhe të kundërshtojnë praktikat që gërryejnë demokracinë. Vetëm në këtë mënyrë mund të ndërtojmë një shoqëri të drejtë dhe dinjitoze, në të cilën të gjithë kanë shanse të barabarta dhe zëri i qytetarëve dëgjohet vërtet.
Gëzuar Ditën Ndërkombëtare të Demokracisë të gjithë atyre që luftojnë dhe kontribuojnë për një shoqëri të lirë, të drejtë dhe humane!
CIVIL
