Pas reagimit të Elmi Azirit nga Aleanca për Shqiptarët për kërkesën e Mickoskit që parat për Koridorin 8 të shkojnë në Qytetin e Shkupit, Bashkimi Demokratik për Integrim gjithashtu nëpërmjet një kumtese e “konsideron të papranueshëm dhe të parealizueshëm propozimin e qeverisë monoetike që problemet me qytetin e Shkupit të zgjedhen në kurriz të shqiptarëve, edhe atë duke e ndaluar ndërtimin e bulevardit Hasan Prishtina në rrugën për Kosovë si dhe nyjen tek semaforët në rrugën “Slovenia”, që gjithashtu e lidh Çairin me rrugën për Kosovë”, thuhet në kumtesën e Bashkimit Demokratik për Integrim.
Në pyetjen e dërguar deri te Aleanca për Shqiptarët në lidhje me këtë çështje na kthyen këtë përgjigje:
“Është demonstrim praktik i politikës antishqiptare të VMRO-së që ishte e paraljmëruar që para zgjedhjeve e që u dëshmua pas zgjedhjeve me formimin e qeverisë me grupe politike pa legjitimitetin e shqiptarëve frytet e të cilës po i shofim çdo ditë!
Më herët Elmi Aziri nënkryetari i Aleancës për Shqiptarët – pjesë e Frontit Europian, ka dalë me reagim pas zhvillimeve të takimit mes kryeministrit Hristijan Mickoski dhe kryetares së Qytetetit të Shkupit, Danella Arsovska.
“Me ribalancin e buxhetit para pak ditësh mjetet për koridorin 8 u shkurtuan për 11 miljard denarë, nga 15 në 4 miljard denar!
