CIVIL- i dënon ashpër brutalitetin policor ndaj gazetarit Furkan Saliu, gjatë arrestimit të tij gjatë një ndeshje futbolli në Konjare të Kumanovës.
Sipas një burimi të CIVIL-it, dëshmitar i ngjarjes, gazetari Furkan Saliu ka reaguar verbalisht për arrestimin e një tifozi gjatë ndeshjes së rëndësishme të futbollit mes Konjares dhe Kumanovës, duke i treguar policisë se nuk kanë të drejtë ta arrestojnë. Njëkohësisht, efektivët e forcave speciale të policisë kanë sulmuar gazetarin dhe e kanë rrëzuar për tokë, gjë që shihet edhe nga videot në rrjetet sociale.
Video-incizimet e publikuara tregojnë për përdorim të tepruar të fuqisë, që mund të paraqesë shkelje të të drejtave të njeriut, sipas CIVIL-it. Burimet e CIVIL-it gjithashtu theksojnë edhe një fakt shqetësues – se gazetari Saliu është rrahur nga policia dhe se edhe ai është rrahur pas edhe ndalimit në stacionin policor të Gazi Babës. Një sjellje e tillë është shkelje flagrante e të drejtave të njeriut!
Është e qartë se ndryshimi i shefave në Ministrinë e Punëve të Brendshme, nën komandën e ministrit aktual teknik të punëve të brendshme, ka këtë efekt – tejkalim të autoritetit dhe brutalitet policor.
CIVIL-i kërkon lirimin e menjëhershëm të gazetariit dhe hetim të pavarur për tejkalimin e autoriteteve dhe brutalitet policor ndaj gazetarit Furkan Saliu, si dhe ndaj të gjithë tjerëve që sot ishin objekt I trajtimit të këtillë të policisë.
CIVIL
