“Kur filluam me presidencën, kishim një parim të vendosur: no bussines as usual për këtë vit. Ne nuk mund të diskutojmë tema të zakonshme të OSBE-së në aspektin e sigurisë gjithëpërfshirëse. Kur themelet e organizatës suaj po shkërmoqen, atëherë duhet të përqendroheni në këtë, dhe këtu në Ukrainë është pikërisht ajo që po ndodh: agresioni rus kundër Ukrainës shkatërron parimet e rendit ndërkombëtar”, tha ministri për punë të jashtme Bujar Osmani, i cili po viziton Kijivin.
Osmani theksoi se Ukraina ishte prioritet kryesor i kryesimit tonë me OSBE, sepse këtu përcaktohet apo prishet e ardhmja e qasjes së OSBE në aspektin e sigurisë gjithëpërfshirëse në Evropë.
“Vizita ime e parë si kryetar ishte në Kijiv, ja ku po e përfundoj vitin sërish në Kijiv”, tha Osmani.
Osmani foli edhe për 21 projekte që OSBE i udhëheq në Ukrainë, një prej të cilëve është edhe çminimi.
“Vlerësohet se rreth 100 mijë kilometra katrorë në Ukrainë janë të kontaminuara me mina. Procesi i çminimit nuk do të jetë afatshkurtër.
“OSBE është duke i hedhur themelet dhe do të ketë parasysh pasojat për mjedisin jetësor të një procesi të tillë”, tha Osmani.
Bisedën e drejtoi: Xhabir Deralla
Kamera dhe montazhi: Nevrij Ademi
