CIVIL – Qendra për Liri me mbështetjen e kryetarit të komunës Çair, Visar Ganiu, më 3 tetor organizon ngjarje publike “Dialogje qytetare për marrëdhëniet ndërmjet komuniteteve: Sfidat dhe zgjidhjet” në hapësirat e objektit të Komunës së Çairit, me fillim nga ora 11:00.
Në këtë takim qytetar janë të ftuar përfaqësues të shoqatave qytetare, mediave, institucioneve vendore, sektorit të biznesit, bashkësive fetare, partive politike dhe të rinjve dhe qytetarë të interesuar.
Manifestimi do të udhëhiqet nga Diana Tahiri nga CIVILi, dhe kryetari i komunës z. Visar Ganiu dhe kryetari i CIVIL-it, Xhabir Deralla, si dhe Dehran Muratov nga CIVILi. Pas prezantimeve hyrëse do të ketë një diskutim të hapur me prezantime të shkurtra deri në pesë minuta. Pjesëmarrësit janë të ftuar të flasin si për sfidat ashtu edhe për zgjidhjet që ata propozojnë.
Në fund të diskutimit do të hartohen projekt-konkluzionet dhe rekomandimet, të cilat më pas do të përpunohen në komunikim me autoritetet vendore dhe do t’u drejtohen institucioneve dhe organizatave përkatëse.
Ngjarja është pjesë e aktiviteteve të projektit “Bashkë për ardhmëri më të mirë“, të cilin CIVILi e zbaton në bashkëpunim me Ministrinë e Punëve të Jashtme dhe Çështjeve Evropiane të Dukatës së Madhe të Luksemburgut.
“Dialogje qytetare për marrëdhëniet ndëretnike: Sfidat dhe zgjidhjet” në komunën e Çairit është pjesë e serisë së manifestimeve publike që CIVILi në periudhën paraprake i ka mbajtur në komunat Gostivar, Kumanovë dhe Qendër.
