Ukraina nuk ka arritur kurrfarë marrëveshje me Rusinë për vendosjen e korridorit humanitar për civilët nga qyteti jugor Mariupol, deklaroi zëvendës kryeministrja ukrainase, Irina Vereshçuk, raporton agjencia e lajmeve MIA.
Rusia paraprakisht kumtoi se sot do të hapë korridor humanitar për civilët që ta braktisin fabrikën e çelikut Azovstal në qytetin jugor Mariupol.
Vereshçuk për Bi-Bi-Si deklaroi se Ukraina shumë herë ka dëgjuar se Ministria ruse e Mbrojtjes do të shpall armëpushim dhe do të hapë korridor humanitar. Por, shtoi ajo, Rusia asnjëherë nuk i ka plotësuar obligimet e saj dhe nuk ka hapur korridor.
Ajo kërkoi garanca për sigurinë e civilëve. Deri tani ka pasur disa tentime të pasuksesshme për evakuim nga Mariupol, pasi Rusia e ka përforcuar presionin ndaj ushtarëve dhe civilëve ukranas, të cilët janë strehuar në Azovstal.
