Lideri i partisë GERB, Bojko Borisov sonte me automjet policor e ka lëshuar shtëpinë e tij në qytetin Bankaja, njofton korrespondenti i MIA-s në Sofje.
Ai ka qenë i shoqëruar nga nëpunës policor dhe do t’i dorëzohet Shërbimit kombëtar policor të Bullgarisë. Të gjithë deputetët e GERB-it, ish-ministra dhe mbështetës u mblodhën para shtëpisë së Borisovit dhe u drejtuan drejt vendit ku do të dërgohet ish-kryeministri i Bullgarisë.
Zëvendëskryetari i GERB-it, Toma Bikov u bëri thirrje mbështetësve të partisë së tyre që të vijnë për protestë në Sofje. Bastisja në shtëpinë e Borisovit ka zgjatur gati tre orë. Arrestimi është kryer si pjesë e një operacioni special për keqpërdorimin e fondeve evropiane, njoftuan mediat lokale. Midis të arrestuarve është edhe ish-ministri bullgar i Financave, Vlladislav Goranov.
