Dialogu në nivel të lartë është i rëndësishëm për ndërtimin e besimit dhe tejkalimit të çështjeve kontestuese në marrëdhëniet ndërmjet Bullgarisë dhe Republikës së Maqedonisë së Veriut.
Ky është qëndrimi i përbashkët i presidentit të Bullgarisë Rumen Radev dhe kryeministrit të Republikës së Maqedonisë së Veriut Zoran Zaev, të cilët sot realizuan bisedë telefonike, kumtoi sonte kabineti i presidentit bullgar. Radev dhe Zaev, siç është cituar në kumtesë, biseduan për aspektet e marrëdhënieve bilaterale ndërmjet të dy vendeve, për respektimin efektiv të të drejtave të njerëzve të cilët deklarohen si bullgarë në Republikën e Maqedonisë së Veriut, si dhe për perspektivën e saj evropiane, lajmëroi korrespondenti i MIA-s nga Sofja.
