Deputeti i Lëvizjes Besa, Kastriot Rexhepi në profilin e tij në Fejsbuk publikoi se ka vendosur të mos marrë pjesë në seancën e sotme të Kuvendit në të cilën duhet të votohet rreth Nismës për mosbesim të Qeverisë së kryeministrit Zoran Zaev.
“Procesi integrues euroatlantik i shtetit është një nga kauzat e mia kryesore dhe të subjektit politik Lëvizjes Besa. Duke pasur parasysh gjendjen aktuale politike, dorëheqjes së kryeministrit Zaev, për hir të procesit dhe sinjalet e forta nga partnerët strategjikë – SHBA dhe BE, që më janë komunikuar nga përfaqësues të lartë diplomatikë, se në muajin dhjetor vendi ka gjasa të mëdha të marrë datë për fillim e bisedimeve për anëtarësim në BE, vendosa që mos të marr pjesë në seancën parlamentare ku duhej të merret vendim me të cilin do vihet në pikëpyetje ky pikësynim jetik kombëtar dhe shtetëror.
Si politikan dhe deputet i përgjegjshëm, mora këtë vendim jo të lehtë duke i vënë interesin e popullit dhe shtetit në radhë të parë, thekson Rexhepi në publikim.
Ai më tej thekson se si politikan dhe deputet i përgjegjshëm, e ka marrë këtë “vendim jo të lehtë duke i vënë interesin e popullit dhe shtetit në radhë të parë”. “Shteti në këtë periudhë të rëndësishme nuk ka nevojë për krizë politike”, shton Rexhepi në publikimin në Fejsbuk.
