Ministria e Shëndetësisë (MSH) informoi se prej sot përmes faqes vakcinacija.mk fillon paraqitja për vaksinim kundër gripit sezonal dhe thekson se edhe këtë vit ka furnizuar 40.000 doza të katër llojeve falas kundër gripit sezonal për grupet e rrezikuara.
Këto vaksina, siç theksojnë, do të mund t’i marrin personat më të vjetër se 65 vjeç, persona me sëmundje kronike, punonjës shëndetësorë, gra shtatëzëna dhe fëmijë të moshës prej 6 muaj deri 5 vjeç. Me plotësimin e formularit, saktësojnë nga MSH, të interesuarit regjistrohen për vaksinim drejtpërdrejtë në sistemin Termin Im.
Në pajtim me informatën e paraparë në planin për vaksinim, përmes SMS do të marrin informatë për datën dhe orën e saktë kur duhen të vaksinohen në pikën ku do t’i zgjedhin gjatë regjistrimit.
“Vaksinimi kudër gripit nuk mbron nga Kovid-19, por është shumë i rëndësishëm në kushte të pandemisë me Kovid-19 dhe ndikimin në sistemin shëndetësor”, njofton mes tjerash Ministria e Shëndetësisë.
