Kryeministri Zoran Zaev thotë se me amendament do të ndërhyhet në projekt-rezolutën për zgjidhjen e çështjes me Bullgarinë për të qëndruar emri kushtetues i vendit – Republika e Maqedonisë së Veriut dhe se për këtë shumica qeverisëse vetëm do të sigurojë vota. Fakti që VMRO-DPMNE do të përmbahet nga votimi i amendamentit, sipas tij, është sepse, siç tha ai, ata e pranojnë realitetin, por ende qëndrojnë në pozicionin e mosnjohjes së Marrëveshjes së Prespës. Megjithatë, beson Zaev, gjëja më e rëndësishme është që rezoluta të miratohet dhe të dërgojë një mesazh uniteti.
Zaev u bëri thirrje deputetëve të Aleancës për Shqiptarët dhe Alternativa të mbështesin ndryshimin, sepse, siç tha ai, ato ishin në favor të ndryshimit të Kushtetutës dhe Marrëveshjes së Prespës për hir të integrimit të vendit në BE dhe NATO. Por, shtoi Zaev, unë bëj thirrje që dikush nga VMRO-DPMNE të votojë amendamentin, sepse, siç theksoi ai, ky është një realitet në vend.
“Besoj se kjo do t’u sjellë mirë dhe përfundimisht do ta bëjë atë përparim, për ta si parti politike, por kjo gjithashtu edhe do t’i ndihmojë shtetit që të relaksohen gjërat për këtë çështje”, tha Zaev, i cili sot ishte i pranishëm në fillimin e punës për ndërtimin e kanalizime atmosferik.
Sipas tij, është jashtëzakonisht e rëndësishme që shumica parlamentare të paraqesë një amendament me të cilin do të përfshihet emri kushtetues.
