Kryeministri Zoran Zaevi në intervistën për emisionin “Zona e Konfliktit” në Dojçe Vele deklaroi se shpreson në zgjidhjen e kontestit me Bullgarinë me Qeverinë e re bullgare në Sofje.
“Është i madh zhgënjimi dhe trauma te qytetarët pas bllokadës në rrugën evropiane të Maqedonisë së Veriut, por vendi nuk do të kërkojë alternativa”, thotë kryeministri.
Përndryshe, thekson ai, do t’i dëshirojmë fat Shqipërisë vetë të vazhdojë me rrugën evropiane.
Zaevi flet për mundësitë për zgjidhje të kontestit me Bullgarinë, regjistrimin e ardhshëm, korrupsionin në vend dhe rrezikun për rajonin nëse vazhdon shtyrja e integrimeve në BE.
Sipas kryeministrit, shtyrja e së ardhmes evropiane të vendeve të rajonit, humbja e motivimit bëhet e rrezikshme për të gjitha vendet e Ballkanit Perëndimor, si dhe për Maqedoninë e Veriut.
“Në Këshillin Evropian besojnë se do të jetë më lehtë të merret vendim për fillim të negociatave për të dyja vendet në paket, sesa, individualisht”, konsideron Zaevi, duke shtuar se për të “nuk ekziston kurrfarë problemi nëse të dyja vendet tani ndahen për shkak të vetos nga Sofja”.
Zaevi beson se Regjistrimi i caktuar për në shtator do të jetë i suksesshëm dhe pohon se rezultatet nga ai nuk do të kenë kurrfarë ndikimi mbi tashmë të drejtat e realizuara të komuniteteve në Maqedoninë e Veriut.
Në vërejtjen e gazetares se Maqedonia e Veriut ka rënë në vendin më të ulët në listën për korrupsion të Transparensi Interneshënëll dhe se edhe më tej qëndrojnë vërejtjet se nuk ndiqet e a.q. korrupsioni i lartë midis ish funksionarëve dhe të tanishëm, mes tyre edhe ish kryeministri Nikolla Gruevski, Zaevi shpjegon se kjo nuk është e vërtetë.
“Qeveria hungareze i ndihmoi Gruevskit të ikë nga Maqedonia e Veriut dhe i dha leje për qëndrim në Hungari, që sipas nesh, është në kundërshtim me të drejtën ndërkombëtare. Ne tani kërkojmë mënyrë legale si ta kthejmë prapa që ta vuajë dënimin me burg”, thekson kryeministri Zaevi në intervistën për Dojçe Vele.
