Ministrja e Mbrojtjes, Radmila Shekerinska e filloi vizitën zyrtare dy-ditore në Republikën portugeze. Vizita realizohet në ftesë të ministrit të Mbrojtjes, Zhao Gomesh Kravinju dhe është vizita e parë zyrtare e ministres tonë të Mbrojtjes.
Siç kumtoi Ministria e Mbrojtjes, në kuadër të vizitës, ministrja Shekerinska do të ketë takim me nikoqirin, ministrin Portugez, si dhe me shefin e Shtatmadhorisë të Forcave të armatosura portugeze.
Delegacioni nga Ministria e Mbrojtjes dhe Armatës, e kryesuar nga Shekerinska, do ta vizitojë Komandën për operacione të përbashkëta, e cila është selia operative për misione portugeze jashtë vendit – NATO, KB dhe BE, si dhe shkollën për trajnim të centralizuar për misione të huaja , këmbësoria, njësitë e mekanizuara dhe artileri të Forcave të armatosura portugeze.
Njëherit, në kuadër të vizitës, delegacioni do të ketë bisedime edhe në Akademinë e NATO-s për Komunikime dhe informacione në Lisbonë.
Vizita në Portugali, thonë nga MM-ja, është hapi i parë në krijimin e bashkëpunimit dypalësh të mbrojtjes midis dy vendeve. Ministria e Mbrojtjes e Maqedonisë së Veriut tashmë ka iniciuar nënshkrimin e Marrëveshjes bilaterale të bashkëpunimit mbrojtës e cila pritet të nënshkruhet në periudhën e ardhshme.
