Ministria e Drejtësisë punon në mënyrë aktive që të parandalohen përpjekjet për anashkalimin e drejtësisë, porositi ministri i Drejtësisë, Bojan Mariçiq në prezantimin e tij on-llajn në hapjen e debatit publik “Hulumtim dhe analizë e situatave me korrupsionin në jurisprudencë” në organizim të Komisionit Shtetëror për Parandalimin e Korrupsionit.
“Nuk mund të kemi shtet të fuqishëm juridik nëse ligjet nuk vlejnë njëjtë për të gjithë. Ata që kanë bërë korrupsion ose krim, pa dallim nëse janë politikanë, gjykatës ose kushdo qoftë, duhet të japin përgjegjësi. Përpjekjet për anashkalimin e drejtësisë dhe metodologjisë së re për kontrollim të punës në gjyqësor. Dje Këshilli Gjyqësor solli vendim për shkarkimin e tre gjykatësve. Deri më tani gjithsej 16 gjykatës janë shkarkuar. Konsideroj se këto kontrolle sipas planit duhet t vazhdojnë dhe unë si ministër dhe Qeveria në tërësi, japim mbështetje parezervë në atë proces”, potencoi Mariçiqi.
Ai foli edhe për shumë ndryshime ligjore të cilat janë në drejtim të luftës së përforcuar dhe efikase kundër krimit dhe korrupsionit dhe potencoi se me Planin për luftë kundër korrupsionit dhe Agjendës Evropa në vend, Qeveria parasheh ekipimin dhe digjitalizimin në prokurorinë publike, shkëmbim elektronik të të dhënave ndërmjet institucioneve për zbatim më efikas të hetimeve dhe koordinimit të përmirësuar.
