Ministri i Shëndetësisë Venko Filipçe sot njoftoi se vaksinimi në terren kundër Kovid-19 duhet të fillojë nga java e ardhshme.
“Vaksinimin në terren do ta organizojë çdo drejtor i shtëpisë shëndetësore, në varësi të numrit të banorëve në vendet më të vogla, në vendet rurale, mënyrën në të cilën do të komunikojë dhe do të fillojë nga fillimi i javës së ardhshme”, tha Filipçe dhe shfaqi shpresë se me atë do të rritet përfshirja me vaksinim.
Duke u përgjigjur në pyetjen e gazetarëve, Filipçe informon se dje kanë mbajtur mbledhje me drejtorët e të gjitha shtëpive shëndetësore. “Këtë javë vaksinohen mbi 60.000 qytetarë të cilët janë paraqitur për vaksinim. Sot përfundon ai proces në disa shtëpi shëndetësore, mbetet në sallat sportive për imunizim masiv. Mbetet në Shkup, Tetovë dhe në Manastir”, tha Filipçe pas vizitës në Klinikën Universitare për Gjinekologji dhe Akusheri (KGJA) në Shkup.
Ministri kompetent potencoi se për të gjithë qytetarët të cilët prej tani e tutje do të paraqiten për vaksinim, vaksinimi do të caktohet në pikat e shtëpive shëndetësore dhe në poliklinikat në Shkup.
“Në salla do të vazhdojë rivaksinimi duke i përfshirë ditët e fundit të korrikut, që në gusht të funksionojnë para se gjithash shtëpitë shëndetësore dhe poliklinikat”, sqaroi Filipçe.
