Njëqind milionë euro të reja mori vendi nga Banka Investuese Evropiane (BIE) destinuar për mbështetjen e ndërmarrjeve, me marrëveshjen që u nënshkrua sot.
“Sot nënshkruam jashtëzakonisht marrëveshje të rëndësishme me BIE-në me të cilat sigurohen 100 milionë euro mjete të favorshme për ndërmarrjet e vogla dhe të mesme në Republikën e Maqedonisë së Veriut apo një mbështetje të rëndësishme të likuiditetit për rimëkëmbjen e pandemisë nga virusi korona. Për ekonominë tonë këto mjete nënkuptojnë punësime të reja, investime të reja, ndërsa me këtë edhe lëvizje të aktivitetit ekonomik” deklaroi ministri i Financave Fatmir Besimi pas nënshkrimit të marrëveshjes.
Ai vlerësoi se kjo është një dëshmi për dy partneritete të rëndësishme, së pari me BE-në dhe me BIE-në.
Mjetet do të plasohen në kushte të favorshme dhe do t’u jenë në dispozicion ndërmarrjeve përmes bankave afariste.
Ministri theksoi se linjat kreditore paraprake nga BIE-ja prej 450 milionë euro treguan rezultate të mira me ato janë mbështetur mbi 2090 projekte. Nga vlera e përgjithshme, 75 për qind janë për investime dhe janë hapur mbi 800 vende pune.
