Partneriteti Transatlantik mbetet një gur themeli i sigurisë sonë kolektive. Sot ne do të përcaktojmë udhëzimet për rolin e Aleancës në kërcënimet aktuale dhe sfidat e sigurisë, por përveç çështjeve të ndezura, do të përcaktohen udhëzimet për trajtimin e sfidave të reja moderne siç janë sfidat hibride. Kjo u deklarua nga Ministri i Jashtëm Bujar Osmani para fillimit të Samitit të NATO-s në Bruksel.
Sipas Ministrisë së Jashtme, Osmani shtoi se do të vendosen bazat për bashkëpunim më të thellë të aleatëve në forcimin e rezistencës, ruajtjen e avantazhit në zhvillimin teknologjik dhe bashkëpunimin më të ngushtë me partnerët.
Osmani foli gjithashtu për pritjet për temën kryesore, iniciativën “NATO 2030”, e cila synon të përgatisë Aleancën për dekadën e ardhshme.
“Sot është me të vërtetë e rëndësishme, një ditë jo vetëm për ne, por për të gjithë Aleancën. Pas konsultave të vështira dhe disa takimeve përgatitore ministrore që unë personalisht morra pjesë, sot në selinë e Aleancës në Bruksel, po mbahet Samiti i NATO-s, i cili do të përmbyllë udhëzimet kryesore për iniciativën NATO 2030. Sot në tryezë është një axhendë ambicioze transatlantike që duhet të sigurojë një rol më të madh të aleancës në krijimin e sigurisë afatgjatë, por edhe sinergji më të madhe, integrim më të madh të vendeve anëtare kur bëhet fjalë për sigurinë e përbashkët”, tha Osmani.
Në deklaratën e tij, Osmani theksoi rëndësinë që Aleanca i kushton luftës kundër kërcënimeve hibride dhe veprimeve të mëtejshme të ndërmarra për të adresuar këto sfida bashkëkohore dhe shprehu mbështetjen për partneritetin transatlantik si gur themeli i sigurisë sonë kolektive.
Në deklaratë, Osmani gjithashtu iu referua angazhimit tonë si vend kandidat për anëtarësim në BE, si dhe nevojës për një bashkëpunim të shtuar strategjik midis NATO-s dhe BE-së.
“Përfundimi i Bashkimit Evropian me integrimin e Ballkanit Perëndimor është një investim gjeostrategjik për të gjithë kontinentin. “Kontributi ynë në këtë partneritet është i qartë dhe në këtë samit ne do të riafirmojmë angazhimin tonë, ne jemi NATO”, përfundoi Osmani.
