Shoqata e Gazetarëve (SHGM) dhe Këshilli i Etikës së Mediave të Maqedonisë (CEMM) me rastin e raportimit në disa media rreth përpjekjeve për vetëvrasje, lëshuan një deklaratë duke u kërkuar gazetarëve të respektojnë plotësisht standardet etike, normat dhe përmbajten e informacionit.
SHGM dhe CEMM kujtojnë nenin 7 të Kodit të Gazetarëve, sipas të cilit, “gazetari do të respektojë privatësinë e personit, përveç kur është në kundërshtim me interesin publik. “Gazetari është i detyruar të respektojë dhimbjen dhe pikëllimin personal.”
Në të njëjtën kohë, SHGM dhe CEMM kujtojnë detyrimin e mediave që përmbahet në nenin 8 të Kodit, sipas të cilit “mënyra e informimit në rastet e aksidenteve duhet të jetë e lirë nga sensacionalizmi”.
Këto nene të Kodit i referohen qartë detyrimit të gazetarëve për të raportuar mbi rastet e vetëvrasjes ose rastet e tentativës vetëm në rastin e një interesi më të gjerë publik ose, në rastin e figurave publike, në mënyrë që të informojnë në mënyrë objektive publikun dhe të shmangin spekulimet e mundshme. Por edhe në ato raste, gazetarët kanë përgjegjësinë të raportojnë në një mënyrë të ekuilibruar, me prova të besueshme të konfirmuara nga burime përkatëse dhe gjithmonë duke respektuar dhimbjen dhe pikëllimin personal të të dashurve, thuhet në deklaratë.
