Armata izraelite njoftoi sot se e ka “neutralizuar” sistemin e gjerë të tuneleve nëntokësore të gërmuara nga militantët e Hamasit në Rripin e Gazës, njofton DPA.
Forcat mbrojtëse izraelite (IDF) njoftuan se aeroplanët e saj luftarakë kanë shkatërruar më shumë se 90 kilometra tunele që përbëjnë sistemin nëntokësor të njohur si Metro, dhe gjithashtu edhe si “qyteti nën qytet”.
IDF lajmëroi se sulmet e saj ajrore dhe bombardimet e artilerisë vazhduan gjatë natës, duke goditur caqe duke përfshirë shtëpinë e komandantit të Hamasit në Kan, Junis, një fabrikë armësh dhe raketahedhëse të Hamasit, njoftoi DPA.
Armata izraelite kutoi se tunelet janë ndërtuar për një periudhë pesëvjeçare dhe i kanë mundësuar Hamasit, i cili qeverisë me Rripin e Gazës, të transportojë municione, luftëtarë dhe ushqim përgjatë bregdetit.
Me operacionin përgënjeshtrohen pohimet se Izraeli dhe Hamas po punojnë për një armëpushim, në kushte të një presionit të ri mbi të dy palët nga SHBA-ja për t’i dhënë fund luftimeve.
Palestinezët gjatë natës, veçanërisht pas mesnatës qëlluan disa raketa drejt qyteteve izraelite.
Sipas IDF, gjatë 10 ditëve të fundit, nga Rripi i Gazës në drejtim të Izraelit janë qëlluar rreth 4.070 raketa.
