Prej orës 13 sot lejohet hyrja në Republikën e Greqisë edhe e qytetarëve nga Republika e Maqedonisë së Veriut përmes vendkalimit kufitar “Evzoni”, njoftoi MPB. Për hyrje në Greqi nevojitet test negativ PCR jo më i vjetër se 72 orë, 14 ditë të kaluara nga rivaksinimi, do të njihen të gjitha certifikatat për vaksinim të bërë, ndërsa për fëmijë deri në pesë vjet nuk nevojitet test PCR. Ata që do të udhëtojnë do të duhet të regjistrohen në mënyrë elektronike një ditë para se të udhëtojnë.
“Nga ana e shërbimeve kufitare greke morën njoftim se prej orës 13:00 lejohet hyrje në Republikën e Greqisë e qytetarëve të BE-së, nga vende të treat dhe qytetarë nga Republika e Maqedonisë së Veriut përmes VK “Evzoni”. Sipas protokollit për hyrje, qytetarët e BE-së, nga vende të treta dhe nga Republika e Maqedonisë së Veriut do të mund të hyjnë në Republikën e Greqisë përmes VK “Evzoni” me test negative PCR jo më të vjetër se 72 orë ose Certifikatë për dy dozat e mara të vaksinës (14 ditë të kaluara nga doza e dytë e vaksinës), me çka do të njihen të gjitha certifikatat për vaksinimin e bërë, përderisa për fëmijë deri pesë vjet nuk nevojitet test PCR. Gjithashtu, mbetet detyrimi për regjistrim elektronik në sajtin www.travel.gov.gr (një ditë para udhëtimit” për sigurimin e dokumentit PLF Passenger Locator form)”, theksohet në kumtesën e MPB-së.
Kjo masë, siç theksohet, do të zbatohet deri më 24 maj të vitit 2021 gjegjësisht të hënën, me çka qytetarët do të mund të realizojnë hyrje në periudhë prej orës 07:00 deri në orën 23:00 (sipas kohës greke), ose prej orës 06:00 deri në orën 22.00 (sipas kohës sonë), ndërsa për dalje nga Greqia nuk ka kufizime dhe VK “Evzoni” do të punojë 24 orë. Protokolli për komunikacionin e mallrave mbetet i njëjtë, theksohet në kumtesën e MPB-së.
