Raportet e Departamentit të Shtetit, Komisionit Evropian, si dhe “Fridom Haus”, GREKO-s dhe më shumë organizatave dhe trupave tjerë ndërkombëtarë, tregojnë se reformat në gjyqësi japin rezultate lidhur me sundimin e së drejtës, thotë ministri i Drejtësisë, Bojan Mariçiq.
Sipas tij, ngadalë po ndryshohet perceptimi i qytetarëve për kthimin e shtetit juridik.
“Gjyqësia nuk është diçka që mund të ndryshohet gjatë natës. Këtu ka probleme që janë mbledhur me vite. Nëse i ndjekim anketat gjatë periudhës së kaluar, do të shohim se kemi përmirësim të gjyqësisë. Besimi po kthehet gradualisht”, tha Mariçiq në emisionin”Objektiv” në Servisin kombëtar.
Sipas ministrit të Drejtësisë, procesi i kthimit të besimit të qytetarëve në gjyqësi nuk është proces i lehtë, por zgjedhja është e thjeshtë.
“Ose do të kemi shtet juridik, ku ligji do të vlejë për të gjithë ose do të kemi një klasë të mbrojtur të politikanëve”, shtoi Mariçiq.
