Presidenti Stevo Pendarovski sot dhe nesër do të qëndrojë për vizitë pune në Bruksel, ku është paraparë të ketë takime me krerët e Bashkimit Evropian dhe të NATO-s.
Siç kumtuan nga kabineti I presidentit, Pendarovski sot do të ketë takime me kryetarin e Këshillit të Evropës, Sharl Mishel, me kryetarin e Parlamentit evropian, David Sasoli, me nënkryetarin e Komisionit evropian dhe përfaqësues I lartë për politikë të jashtme dhe siguri të BE-së, Zhozep Borell dhe me komisarin për fqinjësi dhe zgjerim, Oliver Varheji.
Shefi I shtetit do të mbajë takime edhe me eurodeputetin dhe raportues për Republikën e Maqedonisë së Veriut, Ilhan Quçuk, si dhe me përfaqësuesin e posaçëm të BE-së për dialogun Beograd – Prishtinë dhe për çështje të tjera rajonale të Ballkanit Perëndimor, Mirosllav Lajçak.
Pendarovski, sipas paralajmërimeve nga kabineti I tij, nesër do të takohet me sekretarin e përgjithshëm të NATO-s, Jens Stoltenberg.
