Për festat e ardhshme fetare, Pashkët dhe Bajrami i Ramazanit, e shtuna dhe e diela dhe më 12 dhe 13 maj, nuk do të ketë orë policore dhe qytetarët do të mund të lëvizin lirshëm, duke respektuar masat për mbrojtje, mbajtje të maskës dhe mbajtje të distancës, njoftoi ministri i Shëndetësisë, Venko Filipçe.
Ky vendim, si dhe vendimi që nga e mërkura të shkurtohet kohëzgjatja e orës policore dhe ajo të fillojë prej orës 21 në vend se prej orës 20 dhe prej nesër të hapen tarracat verore në të gjitha objektet hotelierike, ishte sjellë sot paradite nga Shtabi i Krizës, ndërsa propozimet nesër duhet t’i pranojë Qeveria.
Filipçe theksoi se objektet hotelerike gjatë festive fetare do të punojnë deri në orën 21.
Sa i përket grupimit gjatë festave, ministri tha se liderët fetarë kanë marrë për obligim gjithçka që mundet të organizohet jashtë, ajo edhe të bëhet.
“Me këtë mënyrë të organizimit dhe përgjegjësisë së qytetarëve, nuk do të ketë shkelje të masave. Thjeshtë, të gjithë me përgjegjësinë e tyre të tregojmë se mund të funskionohet edhe në prani të virusit”, tha Filipçe.
Ai theksoi se lehtësimi i masave ka të bëjë me situatën e përmirësuar epidemiologjike.
“E gjithë kjo është rezultat i të gjithë asaj që po ndodh, të masave të sjella me kohë dhe dimensionimit të sistemit gjithëpërfshirës i koordinimi të pranimeve në spitale, duke e pasur edhe këtë tani parasysh lirohen edhe disa reparte të cilat ishin angazhuar në mënyrë shtesë për pacientë me Kovid-19. Në përgjithësi ndjejmë lehtësim në kuptim të presionit të ulur. I ndjekim trendet edhe në shtetet e rajonit, kjo valë e tretë kudo, në të gjitha vendet e rajonit po qetësohet. Shpresoj se kjo, bashkë me vaksinimin e shpejtuar i cili do të vijojë pas Pashkëve, do ta ndryshojë pasqyrën”, shtoi Filipçe.
